Таны брэнд зөвхөн лого биш
Хүмүүс таныг хараад юу гэж бодож, таныг ямар зүйлтэй холбож ойлгодог вэ? Энэ бол брэндийн нэг чухал хэсэг.
БРЭНДИНГ
9/2/20261 мин унших
Хүмүүс таныг хараад юу гэж бодож, таныг ямар зүйлтэй холбож ойлгодог вэ? Энэ бол брэндийн нэг чухал хэсэг.
“Брэнд” гэхээр хамгийн түрүүнд лого, өнгө, фонт санаанд орж болох юм.
Тиймээс өөрийн брэндээ хөгжүүлэх гэж байгаа хүн:
“Надад эхлээд гоё лого хэрэгтэй.”
гэж бодох нь хэвийн.
Гэхдээ лого бол брэндийн зөвхөн нэг хэсэг.
Таны брэндийг хүн зөвхөн логогоор танихгүй.
Таны бичдэг зүйл.
Таны ярьдаг хэл.
Таны хүмүүстэй харилцдаг байдал.
Таны санал болгодог үйлчилгээ.
Таны зураг, өнгө, харагдах байдал.
Бүр хамгийн чухал нь:
Таныг хараад хүмүүс юу гэж ойлгож байгаа нь ч брэндийн нэг хэсэг.
Жишээ нь та ямар нэгэн мэргэжлийн үйлчилгээ үзүүлдэг гэж бодъё.
Таны сошиал хуудсанд нэг өдөр маш мэргэжлийн зөвлөгөө,
маргааш нь огт өөр сэдэв,
дараагийн өдөр нь зөвхөн бүтээгдэхүүний зураг,
дараа нь ямар ч тайлбаргүй зарлал гарч байвал хүн таны яг юу хийдэгийг ойлгоход хэцүү байж болно.
Харин таны нийтлэлүүдийн цаана нэг тодорхой чиглэл байвал хүн аажмаар таныг тэр зүйлтэй холбож эхэлнэ.
Жишээ нь:
“Энэ хүн энэ сэдвийг сайн мэддэг юм байна.”
эсвэл
“Энэ хүн надад ойлгомжтой тайлбарладаг юм байна.”
эсвэл
“Энэ үйлчилгээ яг надад хэрэгтэй юм байна.”
гэсэн ойлголт бий болж болно.
Энэ бол брэндийн хүч.
Тэгвэл өөрийн брэндээ эхлүүлэхдээ юунаас эхлэх вэ?
Логоноос өмнө дараах 3 асуултыг өөрөөсөө асуугаарай.
1. Би юугаараа танигдахыг хүсэж байна вэ?
Нэг хүн бүх зүйлийн мэргэжилтэн байх шаардлагагүй.
2. Би хэнд хэрэгтэй вэ?
Таны мэдлэг, үйлчилгээ яг ямар хүнд үнэ цэнтэй вэ?
3. Намайг хараад хүмүүс ямар мэдрэмж, ойлголттой болоосой гэж хүсэж байна вэ?
Жишээ нь:
“Ойлгомжтой тайлбарладаг.”
“Итгэж болох хүн.”
“Мэргэжлийн боловч хүнлэг.”
гэсэн ойлголтууд байж болно.
Эдгээрийг тодорхой болгосны дараа лого, өнгө, фонт, зураг, сошиал контент зэрэг визуал зүйлсээ нэг чиглэлд оруулах нь илүү амархан болдог.
Эндээс нэг чухал ялгаа гарч ирнэ.
Брэнд бол “би өөрийгөө яаж харагдуулах вэ?” гэдгээс гадна “хүмүүс намайг юу гэж ойлгох вэ?” гэсэн асуулт юм.
Тиймээс өөрийн брэндээ хөгжүүлэх гэж байгаа бол эхлээд дизайнаас түр азнаад, цаасан дээр энэ гурван асуултын хариуг бичээд үзээрэй:
Би юу хийдэг вэ?
Би хэнд тусалдаг вэ?
Намайг юугаар санаж үлдээсэй гэж хүсэж байна вэ?
Эндээс таны брэндийн үндэс эхэлнэ.